Кўмирга айланган кумир

Роналдо “Реал” либосини кийиб сўйлоқ тишларини кўрсатиб суратга тушганида алам қилмаган десам, алдаган бўламан. Рафаэль ван дер Ваартнинг Мадрид жамоасига ўтгани ҳақида хабар ҳам сира ёқимли бўлмаган. Лекин уларни кумир сифатида қолишига бу жиҳатлар ҳалақит бермаган. Чунки уларнинг қарорлари вазият тақозоси, қанақадир ўзбекистонлик мухлисини деб (шунақа мухлиси борлигини билишмас ҳам) қарорини ўзгартирадиган даражада бўлиши мумкинмасди.

Малафеевнинг хотини (худо раҳматига олган бўлсин) билан боғлиқ машмашаларда деярли бутун Россия Губерниевни айблаб чиққанда худди мени айблашаётгандек хафа бўлганман, рости. Аёл кишини у шундай бўладими йўқми “фоҳиша” деб бутун омма олдида билмасдан (балки билиб туриб) айтганида ҳам унинг тарафида бўлганман. “Барибир зўр шарҳловчи”. “Барибир Россияда “номер один” у”. Футболни жуда ва жуда ёмон кўрадиган камдан-кам инсонлар ҳақида илиқ таассурот қолади. Губерниев шунақа кам сонлилар қаторида бўлган.

“О таком хет-трике Александр Кержаков мог только мечтать!” (Дмитрий Малишконинг кетма-кет учинчи ўқотишда хатосиз ҳаракат қилганида).

Футболга қизиқмасдан туриб шарҳ давомида мана шунақа қочиримлари учун у ҳурматга лойиқ эди.

Айниқса,

“Если это работа лучшего тренера мира, то весь мир катится в ад”, (Биатлон бўйича Россия аёллар терма жамоаси бош мураббийи ҳақида).

Давлат Турдиалиевнинг 2011 йил Баҳрайнга қарши ЖЧ саралаш учрашувида айтган фикрларидан кейин бунақа таъсирли юрт жамоасига куюнчаклик билан айтилган гапларни эшитмагандим. Бу гапи учунам уни роса “савалаганлар” бўлган. Кимдир эшитганми (ўқиганми) йўқи ўзимча твиттерда роса ҳимоя қилиб ёзгандим. У шарҳлаган Биатлон мусобақаларини ёзиб олиб унга ўхшаб шарҳлашга уринган пайтларим бўлган... У мен учун журналистикада ҳақиқий кумир бўлган. Балки муболағадек туюлар бу...

Кечаги воқеа ҳаммасини бир зумда парчалаворди. Трибунани кўрсатишармикан деб олиб турган видеони ўша заҳоти қайта кўриб чиқдим, “Ҳозир Тожикистон...” “сразу” видеони ўчириб ташладим. Бир соат олдин “Ух Губерниев шарҳларкан” деб хурсанд бўлганимдан уялиб кетдимми, билмайман. “Балки анави лаънати режиссёрлар, Абрамовични эмас, аслида кўрсатилиши керак бўлган шахсни кўрсатишганда бундай хатога йўл қўймасди”... “Анави вайсақи хотин узундан-узоқ гапиини Ўзбекистонга келганда гапирмай турганда балки Губерниев чалғимасди”. Кумирни кўмирга айланишини ҳазм қилолмаскан одам. “Балки атайин қилгандир”... Вей йаллаб, Эмомзадани кўрсатдинг, Нурсерикбайни кўрсатдинг, бу ишинг тасодифми, гандонлар? Йўқ у ҳақорат қилди. У ҳақорат қилди. Вазмин бўлолмадим...

Бугун биринчи марта “Евроспорт” дастурларини ўқиб чиқдим. Биатлон 16:30. Оддий, шаблонларга тўла шарҳда кўрмоқчиман. Ҳозирча вазминлик менга хос эмас экан. Қанчагача давом этади, билмадим. Губерниев шарҳларидан кўмир ҳислар бор, ҳозирча...